f/ch An Chrannóg, Srath na Corcra, Doirí Beaga, Leitir Ceanainn, Co. Dhún na nGall. (074) 9532208

Baile - Cé Muid Féin - Achainí Sínithe - Achoimriú - Summary- Nuacht- Achainí - Naisc

Achoimriú ar mholtaí ‘An Bord Snip Nua’
mar a bhaineann sé leis an Ghaeilge/Ghaeltacht go díreach

Faoi láthair, tá caiteachas iomlán de €85.9 milliún ar Chláracha Gaeltachta agus Oileáin agus €8.4 milliún ar Chiste na Gaeilge.

Tá sé molta:

• deireadh a chur le cuid mhaith de na cláracha Gaeltachta agus an rannóg seo a chur isteach faoin Roinn Oideachais agus Eolaíochta.
• Cúram na nOileán a chur isteach faoin Roinn Comhshaoil, Oidhreachta agus Rialtais Áitiúil
• Ísliú €49.6 milliún i gcaiteachas Gaeltachta agus oileáin (58%) agus ísliú €1 milliún (12%) ar an Ghaeilge
• Ísliú ar fhoireann Gaeltachta agus Oileáin ó 160 go dtí 84, sin caillteanas 76 post(-48%) ina iomláine.
• Cúraimí fiontraíochta Údarás na Gaeltachta a aistriú anonn go dtí Fiontar Éireann (-€6.9 milliún, -40 post)
• Deireadh a chur leis an Scéim Deontais Tithíochta sa Ghaeltacht (-€2.9 milliún)
• Deireadh a chur le Scéim Labhairt na Gaeilge agus Scéim na bhFoghlaimeoirí Gaeilge (Deontas na mBan Tí=-€5.5M)
• Deireadh a chur le scéimeanna tacaíochta d'áiseanna spóirt, pobail srl.
• Deireadh a chur le hoibreacha infreastruchtúir (céanna, bóithre, scéimeanna uisce srl.).
• Cosc a chur ar dheontais caipitil do na hoileáin san am i láthair (-€20 milliún)
• Laghdú a dhéanamh ar líon na ndoiciméad is gá a aistriú faoi Acht na dTeangacha Oifigiúla 2003.
• Foras Teanga: moltar é a chur isteach faoin Roinn Oideachais agus Eolaíochta chomh maith.  (Níl aon mholtaí buiséid déanta mar go bhfuil na hAirí Airgeadais ó Thuaidh agus ó Dheas á ndéanamh faoi láthair).

Eile:

• Ísliú €10 milliún i ndeontas TG4 ón státchiste agus an maoiniú sin a chur ar fail ón cheadúnas teilifíse (Roinn Cumarsáide)
• Deireadh leis an Chomhairle um Oideachas Gaeltachta agus Gaeilge agus a cuid cúraimí a aistriú chuig an Roinn Oideachais féin (Roinn Oideachais).

Tá cuid mhór ciorruithe eile molta a mbeidh tionchar ollmhór acu ar cheantair Ghaeltachta ach go háirithe:

• Ísliú i ndeontais do ghrúpaí/scéimeanna pobail m.sh. LDSIP & CDP (MFG & Comhar na nOileán).
• Deireadh leis an scéim CLÁR agus Cistí na gCuntas Dímhaoine
• Cónascadh scoileanna beaga (659 scoil faoi 50 dalta agus 851 scoil le idir 50 agus 100 dalta)
• Laghdú tacaíochta do na hIonaid Oideachais/cuid acu le druid.
• Deireadh leis na deontais d’aerfoirt réigiúnacha agus do na haerbhealaí réigiúnacha
• Deireadh a chur le scéimeanna éagsúla feirmeoireachta m.sh. REPS agus laghdú ar thacaíocht do cheantair faoi mhí-bhuntáiste
• Deireadh leis an Chlár Taisteal Tuaithe

Éamonn Mac Niallais 18/08/2009